Google AdSense சேவையில் தமிழ் மொழி

Google AdSense சேவையில் பன்மொழி பயன்பாட்டை ஊக்குவிக்கும் வகையில் தமிழ் மொழி சேர்க்கப்படுவதாக கூகுள் அறிவித்துள்ளது.

2003-ம் ஆண்டு Google AdSense சேவை அறிமுகம் செய்யப்பட்டது, இந்த சேவையை கொண்டு கூகுள் இணையத்தளம், வலைத்தளம் உள்ளிட்டவற்றில் தகுதியான விளம்பரங்களை பதிவிட்டு, விளம்பரங்களை வழங்குவோரிடம் இருந்து குறிப்பிட்ட தொகையை வசூலித்து, குறிப்பிட்ட ஒரு தொகையை வலைத்தள உரிமையாளருக்கு கூகுள் வழங்குகிறது.

முன்னதாக தமிழ் மொழி எழுத்தாளர்கள் மற்றும் வலைத்தள நிறுவனங்கள் கூகுள் அல்லாத மூன்றாம் தரப்பு விளம்பர நிறுவனங்களை நாடும் நிலை இருந்து வந்தது.

Google AdSense சேவையில் தமிழ் மொழி சேர்க்கப்பட்டு இருப்பது இணையத்தில் புழங்கி வரும் தமிழ் மொழி எழுத்தாளர்கள் மற்றும் வலைத்தள நிறுவனங்களுக்கு வருவாய் ஈட்ட வழி செய்யும் வகையில் அமைந்துள்ளது.

புதிய அறிவிப்பின் படி தமிழ் மொழி தகவல்களை வழங்கி வரும் இணையத்தளங்கள் மற்றும் வலைப்பக்கங்களில் தமிழ் மொழி விளம்பரங்கள் இடம்பெறுவதை பார்க்க முடியும்.

ஏற்கனவே இந்தி, அரபிக், பல்கேரியன், சைனீஸ், க்ரோடியன், செக், தட்சு, தானிஷ், ஆங்கிலம், எஸ்தோனியன் மற்றும் பல்வேறு இதர மொழிகளுக்கு Google AdSense சேவை வழங்கப்பட்டு வருகின்றதுடன், சமீபத்தில் பெங்காளி மொழி சேர்க்கப்பட்டமையும் குறிப்பிடத்தக்கது.

Read More

இனி iOS சாதனங்களில் Google சேவையை பயன்படுத்தலாம்...

Onlineல் Files சேமிக்கும் Cloud Storage வசதியினை பல்வேறு முன்னணி நிறுவனங்கள் வழங்கிவருகின்றன.

Apple நிறுவனமும் iCloud எனும் பெயரில் இச் சேவையை வழங்கி வருகின்றது.

தனது மொபைல் சாதனங்களில் பயனர்கள் Online Storage ஆக iCloud இனை மாத்திரம் பயன்படுத்தக்கூடியதாக இதுவரை வைத்திருந்தது.

ஆனாலும் புதிய iOS பதிப்பில் iCloud இற்கு பதிலாக Google Cloud Storageனை பயன்படுத்தக்கூடிய வசதி தரப்பட்டுள்ளது.

இதனை Apple நிறுவனம் உறுதிப்படுத்தியுள்ளது.

Read More

முக்கிய வசதி ஒன்றினை அதிரடியாக நீக்கியது Google

இணைய ஜாம்பவான் ஆன Google தகவல்கள் உட்பட Video, Image என்பவற்றினை தேடும் வசதியினையும் தருகின்றமை தெரிந்ததே.

இந்நிலையில் Imageகளை தேடுதலில் தரப்பட்டிருந்த வசதி ஒன்றினை திடீரென நீக்கியுள்ளது.

அதாவது View Image எனும் வசதி ஊடாக குறித்த Imageனை புதிய டேப்பில் திறக்க வைப்பதுடன் தரவிறக்கம் செய்யும் வசதியும் தரப்பட்டிருந்தது.

எனினும் தற்போது இவ் வசதி நீக்கப்பட்டுள்ளது.

இவ் வசதியின் ஊடாக Google தளத்திலிருந்தே படங்களை தரவிறக்கம் செய்ய முடியும்.

இவ்வாறு செய்வதனால் குறித்த Imageகளை தரவேற்றம் செய்தவர்களது தனியுரிமை மீறப்படுவதாக குற்றம் சுமத்தப்பட்டிருந்தது.

இதனை அடுத்தே இவ் வசதி Google நிறுவனத்தினால் நீக்கப்பட்டுள்ளது.

Read More

Gmailல் உள்ளேயே இனி இணையத்தளங்களைப் பார்வையிடலாம்

தொழில்நுட்ப உலகில் நாளுக்கு நாள் புதிய அம்சங்கள் அறிமுகம் செய்யப்பட்டு வருகின்றன.

இதற்கு ஈடுகொடுத்து Google நிறுவனமும் தொடர்ச்சியாக புதிய வசதிகளை பயனர்களுக்கு வழங்கி வருகின்றது.

இதன் தொடர்ச்சியாக தற்போது Gmailல் உள்ளேயே இணையத்தளங்களை பார்வையிடக்கூடிய வசதியினை தரவுள்ளது.

இவ் வசதிக்காக Accelerated Mobile Pages (AMP) தொழில்நுட்பத்தினைப் பயன்படுத்துகின்றது.

இதன் மூலம் இலகுவாக Videos, Pictures பார்வையிடலாம்.

எனவே எதிர்காலத்தில் Gmailல் பயன்படுத்துபவர்கள் அதனை விட்டு அகலாமல் Gmailல் Applicationனுள்ளேயே இணையத்தளங்களையும் பார்வையிட முடியும்.

இவ் வருட இறுதியிலேயே மேற்கண்ட வசசி பயன்பாட்டிற்கு வரும் என தெரிவிக்கப்பட்டுள்ளது.

Read More

கூகுள் மேப்பில் ஒரு இடத்தை/ஊரை சேர்ப்பது எப்படி?

இன்றைக்கு நிறைய பேருக்கு வழிகாட்டி என்றால் அது கூகுள் மேப் என்று சொல்லலாம். கணினி, அலைபேசி என்று இரண்டிலும் உள்ள இதன் மூலம் தெரியாத ஊர்களில் அங்கே, இங்கே அலைந்து அவஸ்தைபடாமல் எளிதாக நாம் செல்ல வேண்டிய இடத்தை அடைந்து விடலாம். நகரங்களில் கிட்டத்தட்ட அனைத்து இடங்களையும் கொண்டுள்ள இதில், பெரும்பாலான கிராமங்களை குறித்த தகவல்கள் இல்லை. அப்படி இல்லாத இடங்களை, ஊர்களை எப்படி கூகுள் மேப்பில் சேர்ப்பது என்று பார்ப்போம். 

1. முதலில் Google Map Maker என்ற தளத்துக்கு செல்லவும். உங்கள் ஜிமெயில் ஐடி மூலம் Log-in ஆகி கொள்ளவும். 

2. இப்போது எந்த ஊரை அல்லது இடத்தை சேர்க்க வேண்டுமோ அந்த ஊருக்கு அருகில் உள்ள ஊரை கூகுள் மேப்பில் தேடவும். [அது கூகுள் மேப்பில் இருக்க வேண்டும்.]

3. இப்போது உங்கள் ஊரில் உள்ள ஒரு இடம் அல்லது ஊர் எங்கே இருக்கும் என்பது மேப்பை பார்க்கும் போது உங்களுக்கு தெரியவரும். தெரியவில்லை என்றால் Zoom செய்து பார்க்கவும். [Satellite View - இல் தான் பார்க்க வேண்டும்]

4. குறிப்பிட்ட இடம் என்று நீங்கள் உறுதி செய்த பின் Map க்கு மேலே உள்ள Add New>> Add a Place என்பதை கிளிக் செய்யுங்கள். 

5. இப்போது கீழே படத்தில் உள்ளது போல சிவப்பு நிற குறியீட்டை குறிப்பிட்ட இடத்தில் வைத்து Left Click செய்யவும். 

6. இப்போது அது என்ன இடம் என்று நீங்கள் தகவல்களை கொடுக்க வேண்டும். 

7. இப்போது மேப்க்கு இடது பக்கம் அது குறித்த மற்ற தகவல்களை கொடுக்கலாம். தளம், தொலைபேசி எண், வேலை நேரம், மற்றவை. 

8. இப்போது Save Button கொடுத்து Save செய்து விடுங்கள். 

9. இடது பக்கத்தில் நீங்கள் Add செய்த Place Bending – இல் இருக்கும். சில நாட்களில் அது உறுதி செய்யப்பட்ட பின் அங்கே சேர்க்கப்பட்டு விடும். 

10. இதே போல ஆறு, ஏரி, குளம், பார்க், கட்டிடங்கள் போன்றவற்றை குறிப்பிடும் போது ஒரு லைன் அல்லது கட்டம் போன்று குறிக்க வேண்டும். அவற்றை மேப்பில் சேர்க்க Step 4 இல் Draw a Line, Draw a Shape என்பதை தெரிவு செய்து கொள்ளுங்கள். 

11. இப்போது ஒரு Plus Symbol மேப்பில் இருக்கும். அதை குறிப்பிட்ட இடத்தில் வைத்து ஒரு கிளிக் செய்தால் ஒரு Pointer உருவாகும், அடுத்து இன்னொரு இடத்துக்கு நகர்ந்து கிளிக் செய்தால் இன்னொரு pointer உருவாகும்.  அங்கேயே முடிக்க Double Click செய்ய வேண்டும். இரண்டுக்கும் இடையில் இப்போது ஒரு லைன் உருவாகி இருக்கும். அவற்றை பற்றிய தகவல்களை கொடுத்து Save செய்து விடுங்கள். 

இதே போலவே  தான் Draw a Shape -க்கும் செய்ய வேண்டும். 

இதில் ஏதேனும் சந்தேகம் இருப்பின் கமெண்ட்டில் கேளுங்கள்.

Read More

கூகுளை பின்னுக்கு தள்ளிய பேஸ்புக்

சர்வதேச அளவில் வலைத்தளங்களின் தரவரிசைப் பட்டியலை வெளியிடும் அலெக்ஸா நிறுவனத்தின் பட்டியலில், கூகுளை பின்னுக்கு தள்ளி முதலிடத்தை பிடித்திருக்கிறது பேஸ்புக்.

கணனி யுகத்தின் ஜாம்பவனான கூகுள் நிறுவனம் தான் தரவரிசை பட்டியலில் முதலிடத்தில் இருந்து வந்தது.

தற்போது முதன் முறையாக கூகுளை பின்னுக்கு தள்ளி விட்டு, முதலிடத்தை பிடித்துள்ளது பேஸ்புக்.

இது திகைக்க வைக்கும் சாதனை என்று தான் சொல்ல வேண்டும். எந்த ஒரு தகவலை தேட வேண்டும் என்றாலும், கூகுளை திறக்காமல் சாத்தியம் இல்லை என்று ஒரு நிலை இருப்பதனால் கூகுள் தரவரிசை பட்டியலில் முதலில் இருப்பதில் ஆச்சர்யம் ஏதும் இல்லை.

ஆனால் சில காலங்களாக அனைவரின் மனதையும் இரவு பகலாக ஆக்கிரமித்து வரும் பேஸ்புக் தற்போது முதலிடத்தை பிடித்துள்ளது.

லட்சக்கணக்கான மக்களால் தினம் தினம் ஆயிரக்கணக்கான் வலைத்தங்கள் இணையத்தில் தேடப்பட்டு வருகிறது. இவற்றில் எந்த வலைத்தளம் அதிகமான பேரால் தேடப்படுகிறது என்பது பற்றிய தரவரிசை பட்டியலை பிரித்து காட்டும் நிறுவனம் அலெக்ஸா.

இந்த அலெக்ஸா டூல்பாரை ஒருமுறை உங்களது சிஸ்டத்தில் பயன்படுத்தி விட்டால் போதும், அதன் பிறகு எந்த வலைத்தளத்தை திறந்தாலும் அதன் தரவரிசை பட்டியல் தெளிவாக காட்டப்படும்.

இதில் முதல் 10 இடத்தில் இருக்கும் வலைத்தளங்களின் பட்டியலையும் பார்க்கலாம். முதலிடத்தில் பேஸ்புக், இரண்டாவது இடத்தில் கூகுள், மூன்றாவது இடத்தில் யூடியூப், நான்காவது யாஹூ மற்றும் ஐந்தாவது இடத்தில் பெய்டூ.காம்

இதை தொடர்ந்து ஆறாவது இடத்தில் விக்கிப்பீடியா, ஏழாமிடத்தில் விண்டோஸ் லைவ் இருக்கிறது. சமூக வலைத்தளமான ட்விட்டர் எட்டாமிடத்தில் உள்ளது. கியூகியூ.காம் ஒன்பதாம் இடத்திலும் மற்றும் அமேசான்.காம் பத்தாமிடத்திலும் உள்ளன.

Read More